Облыстық жедел жәрдем станциясында директор Александр Высоцкийдің төрағалығымен Қазақстан Республикасы күніне арналған жиын өтті.
 Салтанатты шараны аша отырып, директор Қазақстан үшін тәуелсіздік жылдары өмірдің барлық салаларында түбегейлі өзгерістермен есте қалғанын атап өтті. Мемлекеттік институттар айтарлықтай жаңартылып, еліміздің басқа дамыған елдермен қатар тұруына мүмкіндік берді.
Қазақстан ЕҚЫҰ, ШЫҰ, ИЫҰ сияқты мемлекетаралық платформалардың бастамашысы бола отырып, әлемдік саясатқа елеулі үлес қосуда. Еліміздің БҰҰ-ның Адам құқықтары жөніндегі кеңесіне алғаш рет мүше болып сайлануы адам құқықтары мен бостандықтарын нығайтудағы ілгерілеушілікті, сондай-ақ осы бағыттағы белсенді ынтымақтастықты көрсетеді.
 Еліміздің бүгінгі таңдағы басым міндеттерінің бірі – денсаулық сақтау саласын дамыту. Жедел жәрдемнің негізгі міндеті – науқастың өміріне тікелей қауіп төнген кезде шұғыл шақыру кезінде көмек көрсету. Бүгін біз өз міндетімізді абыроймен атқарып жатырмыз, деді А.Высоцкий.
Соңында директор әріптестерін келе жатқан Республика күнімен құттықтады.
 Қазақстан Республикасы күніне орай төмендегілер марапатталды:
 МЖҚҚ «Денсаулық сақтау ісінің үздігі» төсбелгісімен МӘСҚБ диспетчері Қалиева Марал Теміржанқызы;
Көкшетау қаласының ӘҚБ фельдшері Әубәкіров Жеңіс Қайруллаұлы МЗРК Құрмет грамотасымен;
МЗРК Құрмет грамотасымен Атбасар ауданы ССП фельдшері Чабанов Константин Анатольевич.
Сонымен қатар, облыстық станцияда жұмысшылар арасында үстел теннисінен турнир өтті. 20-дан астам спортшы қатысып, нәтижесінде Иманбаев Қадырғали 1 орынды, Роман Пилипенко екінші және Юрий Оксенюк үшінші орынды иеленді.